अमळनेर || दि.30 ऑगस्ट 2024 || (रिजवान मन्यार):- अमळनेर तालुक्यातील धार तलावात पोहतांना एका विद्यार्थ्यांचा दुर्दैवी मृत्यू झाल्याचे घटना आज दुपारी घडली.
याबाबत सविस्तर वृत्त असे की अमळनेर तालुक्यातील कंडारी येथील जयेश देसले हा विद्यार्थी मारवड येथे भालेराव रामभाऊ पाटील ज्युनिअर कॉलेजला शिक्षण घेत होता.
यावर्षी तो 12 वर्गात प्रवेशित असून प्रताप महाविद्यालयात प्रताप पॅटर्नला देखील JEE व NEET या परीक्षांची देखील तयारी करीत होता. आज दुपारी तो अमळनेर तालुक्यातील धार येथील तलावात मित्रांसोबत पोहायला गेला होता. मित्र थोड्यात बचावले व ते बाहेर देखील निघाले होते. मात्र जयेश जास्त पाणी असल्याने तेथेच बुडाला असता, त्याचा दुर्दैवी मृत्यू झाला आहे. संध्याकाळी 6:30 च्या सुमारास या विद्यार्थ्याला बाहेर काढण्यास मारवड पोलीस व स्थानिकांना यश आले असून त्याचे शव निच्छेदनासाठी अमळनेर ग्रामीण रुग्णालयात नेण्यात आले आहे.
