मोटर सायकल चोरी करणारा अट्टल चोरट्यास स्थानिक गुन्हे शाखेकडून अटक…
जळगाव ||दि. २२सप्टेंबर२०२४ || (शाहिद खान )-: जळगाव स्थानिक गुन्हे शाखेचे पोलीस अधीक्षक मा.श्री. महेश्वर रेड्डी यांनी जिल्ह्यात सध्या जास्त प्रमाणात मोटार सायकल चोरीचे प्रमाणे वाढले असल्याने सदर आरोपीचे शोध घेवून त्यांचेवर कारवाई करण्याचे आदेश मा.श्री. बबन आव्हाड वरिष्ठ पोलीस निरीक्षक, स्थानिक गुन्हे शाखा यांना दिले.
पोलिस उपनिरीक्षक श्री गणेश वाघमारे, श्री दत्तात्रय पोटे, पोलिस हवलदार गजानन देशमुख, विनोद पाटील, महेश महाजन, विष्णु बिऱ्हाडे, ईश्वर पाटील, रणजीत जाधव, राहुल महाजन सर्व नेम. स्था.गु.शा जळगाव अश्यांचे पथक तयार करण्यात आले होते.
वर नमुद पथकातील अमंलदार पो.ह विनोद पाटील यांना गुप्त बातमीदार मार्फत बातमी मिळाली की, टाकरखेडा ता. जामनेर येथील १) विशाल गोपाल भोई, रा. टाकरखेडा ता. जामनेर हा चोरीची मोटार सायकल घेवून फिरत असल्याची खात्रीशीर बातमी मिळाल्याने सदर पथक हे बरेच दिवसापासून त्यांचे मागावर होते परंतु तो पोलिसांची नजर चुकवून त्याची ओळख लपवून वावरत होता. परंतु वर नमुद पथकातील अमंलदार यांनी सुरेश पाडवी हा त्याचे गावी टाकरखेडा येथे असल्याची माहिती मिळाल्याने त्यास टाकरखेडा येथून ताब्यात घेवून त्यास विश्वासात घेवून विचारपुस केली असता त्याने सांगीतल्या प्रमाणे अजुन त्याचे दोन साथीदार २) देवानंद उर्फ आनंद भोजरंग सुरडकर, ३) सुरज अशोक पारधी (साळुंखे), रा.टाकरखेडा ता. जामनेर जि. जळगाव यांना ताब्यात घेवून त्याचे कडून ४,३३,०००/- रु. किंमतीच्या १० मोटर सायकल जप्त करण्यात आलेले आहे.
सदरची कारवाई मा.डॉ. श्री महेश्वर रेड्डी, पोलीस अधीक्षक, जळगाव, मा.श्री. अशोक नखाते, अपर पोलीस अधीक्षक, जळगाव, यांचे मार्गदर्शनाखाली करण्यात आली आहे.
