एकता संघटनेचा अभिनव उपक्रम गणेश उस्तव, ईद-ए-मिलाद व मौलाना नोमानी कार्यक्रम यशस्वीरित्या पार पाडल्या बाबत पोलीस दलाचे अभिनंदन…
जळगाव || दि.२३ सप्टेंबर २०२४ || {शाहिद खान} -: जळगाव जिल्ह्यात गणेश उत्सव, गणेश विसर्जन, ईद-ए-मिलाद जुलूस व मौलाना सज्जाद नोमानी यांचे जाहीर प्रवचन हे तिन्ही उत्सव एकाच वेळी लाखोच्या लोक संख्येने साजरे करण्यात आले. कायदा व सुव्यवस्था अत्यंत चोख ठेवल्याबद्दल तसेच कोणत्याही प्रकारे कोणत्याही उत्सवाला गालबोट न लागता गुण्यागोविंदाने सर्वांनी आप आपल्या उत्सवाचा आनंद घेतला त्याबाबत जळगाव जिल्हा पोलीस दलाचे प्रमुख डॉ. महेश्वर रेड्डी यांचा पोलीस दलाचे प्रमुख म्हणून प्रतिनिधिक स्वरूपात एकता संघटन द्वारे लेखी पत्र, शाल, श्रीफळ व बुकेदेऊन आभार व अभिनंदन करण्यात आले.
जिल्हा पोलीस अधीक्षकांसह अप्पर पोलीस अधीक्षक अशोक नखाते, जळगाव उपविभागाचे पोलीस अधिकारी संदीप गावित, व जिल्ह्यातील संपूर्ण पोलीस स्टेशनचे प्रभारी अधिकारी यांचा सुद्धा लेखी पत्र देऊन गौरव करण्यात आला.
अप्पर पोलीस अधीक्षक नखाते व पोलीस उपविभागीय अधिकारी गावित यांना सुद्धा शाल, श्रीफळ, बुके देऊन सत्कार करण्यात आले.
एकता संघटनेचे पदाधिकारी…
एकता संघटनेचे समन्वयक फारुख शेख, नदीम मलिक, मजहर पठाण, युसुफ शेख, अमजद पठाण, सय्यद चांद, सय्यद इरफान अली यांनी तिन्ही अधिकाऱ्यांचा शाल श्रीफळ बुके व पत्र देऊन सत्कार केला.
