पुणे ||दि. २० जुलै २०२४ || RTE शिक्षण हक्क अधिनियमानुसार दुर्बल व वंचित घटकाकरिता २५ टक्के ऑनलाईन प्रवेश प्रक्रियेसाठी दि. ७ जून २०२४ रोजी ऑनलाईन सोडत काढण्यात आलेली होती. त्याआधारे निवड झालेल्या विद्यार्थ्यांची यादी व प्रतिक्षा यादी आज रोजी शनिवार दि. २० जुलै पासुन प्रसिद्ध होणार आहे.
निवड यादी https://student.maharashtra.gov.in/adm portal या संकेत स्थळावर प्रसिद्ध होणार आहे. या सोडतीद्वारे शाळेमध्ये प्रवेशासाठी निवड झालेल्या बालकांच्या पालकांना त्यांनी नोंदणी केलेल्या मोबाईल क्रमांकावर दि. २२ जुलै सोमवार पासून मोबाईलवर sms एसएमएस येण्यास सुरुवात होईल.
प्रवेश मिळाल्याचा पासुन एसएमएस प्राप्त झालेल्या पालकांना दि. २३ ते ३१ जुलै या कालावधीत जिल्हयातील संबंधित तालुकास्तरावरील पडताळणी समितीकडे कागदपत्रांची पडताळणी करुन पडताळणी समितीमार्फत आपआपल्या बालकांचा प्रवेश निश्चित करुन घेता येईल.
पालकांनी केवळ मोबाईल एसएमएस वर अवलंबून न राहता आरटीई पोर्टल वरील अर्जाची स्थिती या टॅबवर आपल्या पाल्याचा अर्ज क्र. टाकून अर्जाची स्थिती बघून घ्यावीत व वेळोवेळी दिलेल्या सूचनांचे पालन करावे असे शरद गोसावी शिक्षण संचालक (प्राथमिक) यांच्याकडून सांगण्यात आलेले आहे.
