प्रताप महाविद्यालयाच्या सायमा तेलीची ‘विकसित भारत @2047’ GK क्विझमध्ये उल्लेखनीय कामगिरी….
अमळनेर || दि. ३० ऑगस्ट २०२६ || (विट्ठल भालेराव)-: खानदेश शिक्षण मंडळ संचलित प्रताप महाविद्यालयातील M.Sc.-II मायक्रोबायोलॉजीची विद्यार्थिनी कु. सायमा रज्जाक तेली हिने महाराष्ट्र शासनाच्या वतीने आयोजित ‘कॅम्पस से संसद – अटल ट्रेड, युवा कदम’ अंतर्गत ‘विकसित भारत @2047’ या विषयावरील GK Quiz Competition मध्ये उल्लेखनीय यश संपादन केले.
दि. 25 ऑगस्ट 2026 रोजी मा. सहसंचालक, शिक्षण विभाग, JD कार्यालय, जळगाव यांच्या मार्गदर्शनाखाली ही स्पर्धा आयोजित करण्यात आली होती. प्रताप महाविद्यालयातील एकूण 75 विद्यार्थी स्पर्धकांनी या परीक्षेत सहभाग घेतला. त्यामध्ये कु. सायमा तेली हिने उत्कृष्ट कामगिरी करत महाराष्ट्र राज्य शासनाच्या पुढील फेरीसाठी निवड मिळवली आहे. त्यानंतर पुढील फेरीच्या अनुषंगाने तिची ऑनलाईन मुलाखतही घेण्यात आली.
कु. सायमा तेली ही सामाजिक कार्यकर्ते व युवा उद्योजक अख्तर तेली यांची बहीण आहे. तिच्या या यशाबद्दल महाविद्यालयातील प्राध्यापक, विद्यार्थी व शिक्षकेतर कर्मचाऱ्यांकडून अभिनंदन करण्यात येत आहे.
या स्पर्धेसाठी मायक्रोबायोलॉजी विभागाचे प्रमुख प्रा. शशिकांत जोशी, ऑनलाईन मुलाखत परीक्षा समन्वयक प्रा. वैशाली महाजन, तसेच प्रा. सूर्यवंशी-भोसले, प्रा. ममता महाजन यांच्यासह इतर प्राध्यापकांनी सायमा तेलीला मार्गदर्शन केले.
परीक्षा व मूल्यमापन प्रक्रिया यशस्वी करण्यासाठी महाविद्यालयातील संगणक, इतिहास, अर्थशास्त्र, रसायनशास्त्र, मायक्रोबायोलॉजी व मराठी विभागातील प्राध्यापकांनी महत्त्वपूर्ण सहकार्य केले. यामध्ये प्रा. डॉ. विवेक बडगुजर, प्रा. डॉ. रामदास सुरडकर, प्रा. अवीत पाटील, प्रा. डॉ. विलास गावीत, प्रा. भाग्यश्री जाधव, प्रा. पडूल मॅडम, प्रा. उमेश पाटील, प्रा. प्रसाद मुठे तसेच CCMC विभाग समितीचे सदस्य, श्री. दिलीप शिरसाठ, प्रा. हिमांशू गोसावी, प्रा. सपकाळे आणि तासिका तत्त्वावरील अनेक प्राध्यापकांचा सहभाग राहिला.
तसेच कार्यालयीन अधिकारी श्री. राकेश निळे, श्री. भटू चौधरी, श्री. देवेंद्र कांबळे, श्री. दुर्योधन नेरकर आणि CCMC विभागातील विद्यार्थी स्वयंसेवक यांनीही परीक्षेच्या आयोजनासाठी सहकार्य केले.
सायमा तेलीच्या या यशाबद्दल खानदेश शिक्षण मंडळ, अमळनेरचे सर्व संचालक व पदाधिकारी, प्रभारी प्राचार्य डॉ. हर्षवर्धन जाधव, IQAC प्रमुख प्रा. डॉ. मुकेश भोळे, सर्व उपप्राचार्य, विभागप्रमुख, प्राध्यापक, CCMC विभागप्रमुख प्रा. डॉ. धनंजय चौधरी व सहप्रमुख प्रा. डॉ. ज्ञानेश्वर कांबळे यांनी तिचे अभिनंदन करून पुढील फेरीसाठी शुभेच्छा दिल्या.
या उपक्रमाच्या यशस्वी आयोजनासाठी सहकार्य करणाऱ्या सर्व प्राध्यापक, शिक्षकेतर कर्मचारी व विद्यार्थी स्वयंसेवकांचे महाविद्यालयाच्या वतीने आभार मानण्यात आले.
