जिल्हा आदर्श शिक्षक पुरस्काराने खान मुबश्शेरा मॅडम यांचा गौरव….
धुळे || दि. ०४ सप्टेंबर २०२६ || (नईम अली) :-शिक्षण क्षेत्रात उल्लेखनीय कार्य करणाऱ्या शिक्षकांचा सन्मान करण्यासाठी दरवर्षी विविध पुरस्कार देऊन त्यांचा गौरव केला जातो. याच पार्श्वभूमीवर धुळे जिल्हा परिषद, धुळे शिक्षण विभागातर्फे पिंपळनेर येथील जिल्हा परिषद उर्दू शाळेच्या मुख्याध्यापिका खान मुबश्शेरा मॅडम यांना सन २०२६ चा जिल्हा आदर्श शिक्षक पुरस्कार प्रदान करण्यात आला आहे.
दि. ०५ सप्टेंबर रोजी शिक्षक दिनानिमित्त आयोजित कार्यक्रमात त्यांच्या शैक्षणिक क्षेत्रातील उल्लेखनीय कार्याची दखल घेत हा मानाचा पुरस्कार देऊन त्यांचा गौरव करण्यात आला.
खान मुबश्शेरा मॅडम यांनी शाळेतील विद्यार्थ्यांच्या शैक्षणिक प्रगतीसोबतच विविध उपक्रमांमध्ये सक्रिय सहभाग घेत शिक्षणाचा दर्जा उंचावण्यासाठी प्रयत्न केले आहेत. त्यांच्या कार्याची दखल घेत त्यांची जिल्हा आदर्श शिक्षक पुरस्कारासाठी निवड करण्यात आली.
या पुरस्कारामुळे पिंपळनेर येथील जिल्हा परिषद उर्दू शाळेच्या शिरपेचात आणखी एक मानाचा तुरा रोवला असून, परिसरातून खान मुबश्शेरा मॅडम यांच्यावर अभिनंदनाचा वर्षाव होत आहे.
